Lajmet Shqip

shqip

2008-01-12T03:52:00.000-08:00

Shqip

Shqip esht gjuha jon e embel, bla bli. Dhe ashtu folim krejt Shqip. Test 2 4 4, alo ku je. Menduh Thaci esht lesh nuk din qka folen. Kosova e gatshme të shpallë pavarësinë ? Po a ? mir mir .. pAvarsia i vjen kosovoes. Se atje folin te gjith Shqip, gje e mir. Qe tash edhe 2-3 fjala edhe e perfundoj ket gje.

Ashtu folni ma shum shqip.

Kryeministri Çeku thotë se do të punojë në përmbylljen e statusit të Kosovës

2007-01-09T06:14:00.000-08:00

Lajme Shqip: Kosova

shkodrani Shkruan "Prishtinë- Kryeministri Agim Çeku tha se bashkë me kabinetin i tij qeveritar do të punojë në përmbylljen e statusit të Kosovës. Në fjalimin e sotëm radiofonik, njëherit ai tha se do të ketë angazhim edhe në përmirësimin e jetës së qytetarëve të Kosovës.

Kryeministri Çeku theksoi se zotohet për të punuar në realizimin e këtyre objektivave. "Deri në finalizimin e këtij procesi, kemi punë të mëdha përpara si bërja e Kushtetutës, definimi i simboleve, procesi i transferimit të përshpejtuar dhe të plotë të kompetencave, konsolidimi i ministrive ekzistuese dhe projektimi i atyre që do të nevojiten në shtetin e ri të Kosovës". Çeku zotohet se nuk do të mungojë as angazhimi në përmirësimin e jetës së qytetarëve të Kosovës. Me tërheqjen e investitorëve të huaj, me telefoninë e dytë mobile dhe termocentralin "Kosova C", Çeku e sheh zbutjen e papunësisë. Kreu i qeverisë nënvizoi se këtë vit do të ketë edhe përmirësim të infrastrukturës, të shërbimeve për qytetarë, me anë të strategjive afatgjate, duke shprehur besimin se do të krijohet një jetë më e mirë për qytetarët e Kosovës, kurse viti 2007 do të jetë triumfues për vendin.

Kosova.com

Lajmi nga www.Shqip.dk

Kreu i Partisë Demokratike flet për sfidat e Kosovës në vitin 2007

2007-01-09T06:13:00.000-08:00

Lajme Shqip: Kosova

Shkodrani Shkruan "Jam optimist se 2007 do të jetë vit i pavarësisë” Kreu i Partisë Demokratike në opozitë, dhe njëkohësisht anëtar i Ekipit Negociator në bisedimet për statusin, Hashim Thaçi, thotë se beson që rekomandimet e të dërguarit të OKB-së për statusin, Martti Ahtisari, do të përmbajnë substancën e shtetit të ardhshëm të Kosovës. Thaçi vlerëson se pavarësia e Kosovës nuk është çështje e një akti, por e një procesi politik dhe nënvizoi se tani është i domosdoshëm unifikimi i qëndrimit të qartë të SHBA-ve me atë të BE-së....

Ai thotë se në vitin 2007 edhe opozita edhe pozita duhet të kenë një agjendë të përbashkët shtetërore. Në një intervistë për BBC, ai tha se Kosova do të zgjidhë statusin e saj brenda këtij viti dhe ajo do të ndërtohet si një shoqëri demokratike e të gjithë qytetarëve të saj. Pse vitin 2006 e keni cilësuar si vit të arritjeve solide? Është arritur ajo që është pritur nga qytetarët e Kosovës, por edhe nga ndërkombëtarët, që të ruhet dhe të kultivohet uniteti politik. Të kemi agjendë të njëjtë për statusin politik dhe të dëshmojmë me argumente të fuqishme domosdoshmërinë e zgjidhjes së statusit politik sa më shpejtë që është e mundur. E kemi vënë në lëvizje gjithë diplomacinë botërore në shërbim të nxjerrjes së vendimit për Kosovën dhe në anën tjetër kemi dëshmuar se jemi të përgatitur, jemi të aftë që Kosovën ta bëjmë shtet dhe ta udhëheqim si shtet demokratik e funksional. Ka qenë sukses yni sepse kemi dërguar edhe porosi shumë të qarta mirëkuptimi e bashkëpunimi për stabilitetin rajonal. Mbi të gjitha ka qenë një sukses i avancimit të përkushtimeve tona dhe thjeshtë e kemi ruajtur unitetin e brendshëm politik dhe qytetar, por edhe e kemi vënë në lëvizje diplomacinë ndërkombëtare në partneritet e sipër për zgjidhjen përfundimtare të statusit politik. Pra, ishin suksese të stabilitetit, të unitetit dhe të partneritetit. Ju po flisni për unitetin e Grupit Negociator të Kosovës dhe të forcave të ndryshme politike. Por, megjithatë gjatë vitit 2006 ka pasur një përplasje të fuqishme mes opozitës dhe pozitës. A mos do të thotë kjo se Kosova realisht ka hyrë në një fazë kritike politike? Kosova nuk është në fazën kritike të saj. Në Kosovë po kalojmë fazat e para të demokracisë reale, të përballjes pozitë dhe opozitë. Është fat që statusi politik i Kosovës nuk identifikohet me qeverisjen aktuale, por kemi një përkushtim të politikës demokratike, që kultivohet nga opozita kosovare dhe që është unifikuar në Grupin e Unitetit e që ka bërë që të kemi një proces relativisht të suksesshëm, me bindje të plotë se viti 2007 do të jetë vit i vendimit, vit i pavarësisë. Por, raporti i zotit Ahtisari pritet të paraqitet pas zgjedhjeve në Serbi. Ky raport sipas pohimeve, duket se nuk do të përmbajë atë që presin qytetarët e Kosovës. Realisht besoni se viti 2007 do ta përmbyllë fazën e zgjidhjes së statusit politik të Kosovës me atë që presin qytetarët kosovarë? Pavarësia nuk është punë akti, por ka qenë dhe është punë e një procesi politik. Rekomandimet e presidentit Ahtisari është me rëndësi që të vijnë sa më shpejtë që është e mundur dhe kjo do të ndodh. Në rekomandimet e presidentit Ahtisari ndoshta nuk do të përmendet emri pavarësi – por do të jetë substanca e shtetit të ardhshëm të Kosovës, pastaj do të kalohet në Këshillin e Sigurimit për diskutim e debate deri në nxjerrjen e një Rezolute të re të KS-së, dhe do të hapet perspektiva për nxjerrjen e Kushtetutës së shtetit të ri të ardhshëm të Kosovës nga Kuvendi kosovar, i simboleve unifikuese shtetërore të Kosovës dhe në anën tjetër i njohjes së Kosovës nga shtetet veç e veç ose në grup. Unë besoj se tani i gjithë përkushtimi duhet të jetë se si të arrihet të unifikohet qëndrimi i qartë amerikan me shtetet e BE-së dhe pastaj ky unifikim në qëndrim i SHBA-së dhe BE-së të jetë një qëndrim që integron edhe Rusinë në kuadër të vendimit nga Këshilli i Sigurimit, Grupi i Kontaktit dhe thjesht nga e gjithë bota. Dhe kjo përjashton veprime të njëanshme të klasës politike kosovare? Veprimet e njëanshme nuk e zgjidhin çështjen. Edhe çlirimi edhe pavarësia e Kosovës janë arritur në partneritet me SHBA-në dhe BE-në dhe kjo do të ndodhë. Zoti Thaçi, a mund të pritet që PDK-ja, të kërkojë në një të ardhme të afërt, ndryshime më rrënjësore në qeverisjen kosovare? Partia Demokratike e Kosovës ka vlerësuar situatat nëpër të cilat po kalojmë, si situata që kërkojnë përkushtim të të gjithëve për të investuar për shtetin e ri të Kosovës. Natyrisht, do të ishte me interes që të kemi qeverisje funksionale dhe efektive, ku do të sundonte ligji dhe jo të ishin të pranishme dukuritë negative duke toleruar mosrespektimin e ligjit. Në anën tjetër, PDK-ja ka dëshmuar se preokupim kryesor e ka ndërtimin sa më parë të shtetit. Në vitin 2007 pozita dhe opozita duhet të kemi agjendë të përbashkët shtetërore. Por, natyrisht në suaza të fair – play të ndodh edhe përballja e konkurencës së vlerave pozitë – opozitë. Ju e përmendët shumë shpesh, në këtë intervistë, shtetin e Kosovës. Por, sa do të jetë shteti i Kosovës i aftë që të akomodojë pakicat e në veçanti pakicën serbe? E përmenda shumë shpesh, sepse pa shtet nuk perspektivë as ekonomike, as sociale, as kulturore, as perspektivë qytetare e as integruese në BE dhe në NATO. Prandaj, është domosdoshmëri bërja e shtetit sa më parë që të jetë e mundur. Kosova është e përgatitur për shtet dhe e aftë që të qeverisë shtetin, natyrisht me një prani të lehtë civile ndërkombëtare, të BE-së dhe SHBA-së, por me prani të theksuar të NATO-s. Unë jam optimist se viti 2007, nuk do të flisja këtu me stinë: pranverë, verë apo vjeshtë, por viti 2007 do të jetë vit i pavarësisë së Kosovës dhe hapjes së perspektivës për mirëqenie dhe jetë më të mirë të qytetarëve të vendit. Përfshirë edhe pakicat? Natyrisht, Kosova si shtet do të jetë shtet demokratik në të cilin do të jetojnë të lirë, të barabartë dhe do ta ndiejnë veten mirë për të jetuar të gjithë qytetarët e Kosovës me identitet shtetëror kosovar, duke punuar për të ngadhënjyer demokracia qytetare në vend. Dhe, duke respektuar e garantuar në kuptimin më afirmativ të drejtat e pakicave.

Lajmi nga www.shqip.dk

Grevë paralajmëruese e kontrollorëve të fluturimeve

2007-01-09T06:11:00.001-08:00

Lajme Shqip: Maqedoni

Shkodrani Shkruan "Grevë dyorëshe paralajmëruese sot do të mbajnë kontrollorët e fluturimeve në Drejtorinë për lundrim civil dhe ajror (DLCA)...

Shkup /28/12/ 08:13 Greva, siç lajmëruan nga Sindikata e teknikës ajrore në DLCA, do të mbahet në periudhën prej orës 14 deri në ora 16, në aeroportet në Shkup dhe Ohër. Kërkesat kryesore të sindikalistëve janë firmosje të marrëveshjes kolektive, përmirësim të kushteve për punë, sigurim të detyrueshëm për të punësuarit gjatë lëndimeve, si dhe zgjidhje të statusit për të punësuarit me marrëveshje në vepër. Drejtoria për lundrim civil dhe ajror u bëri thirrje të gjithë kontrollorëve që janë me marrëveshje në vepër që të qëndrojën në vendet e tyre të punës meqë statusi i tyre nuk lejon të drejtën e grevës. Prej këtu shtojnë se dinamika e zgjidhjes së të gjitha çështjeve të hapura urdhëron që greva të lihet në pushim.

Lajmi nga www.shqip.dk

Zbatim i Marrëveshjes kornizë të Ohrit

2007-01-09T06:09:00.000-08:00

Lajme Shqip: Maqedoni

Shkodrani Shkruan "Promovim i logos dhe veb faqes së Sektorit për zbatimin e Marrëveshjes kornizë të Ohrit (SIOFA) do të mbahet sot në Qeverinë e Republikës së Maqedonisë...

Shkup /28/12/ 08:12 Logon dhe veb faqen, siç është lajmëruar, do t`i prezantojë zëvendëskryeministri i Qeverisë së Republikës së Maqedonisë, përgjegjës për zbatimin e Marrëveshjes së Ohrit, Imer Selmani. Është paralajmëruar që në promovimin të flasin zëvendëskryeministrja përgjegjëse për integrimet evropiane Gabriella Konevska Trajkovska dhe ambasadori i Britanisë së Madhe në Maqedoni, Robert Çeterton Dikson.

Lajmi nga www.shqip.dk

Enisa dhe Katrina, foshnjat e burgut, që vuajnë pasojat e nënave

2007-01-09T06:08:00.000-08:00

Lajme Shqip: Shqiperia

shkodrani Shkruan "Edukatorja e cerdhes se burgut Mirsie Zaimi me Kaltrinen dhe Enisen ...

Kujtim Boriçi

Enisa 18 dhe Katrina 12-muajshe, janë të vetmet foshnje në Shqipëri, që i kalojnë ditë-netët brenda mureve të lartë të Burgut "Ali Demi" në Tiranë, nën përkujdesjen e edukatoreve, pa patur mundësinë të ndjejnë ngrohtësinë e përkujdesjen e nënave të tyre, ndonëse i kanë fare pranë, e një mur i pakapërcyeshëm i ndan nga 'to. Kjo, për shkak se ata që i sollën në jetë, kanë kryer krimin e rëndë të vrasjes, krim për të cilin njëra po vuan 10 vjet heqje lirie, ndërsa tjetra është në kushtet e paraburgimit e pritet të përballet me togat e zeza. "Ne jemi përkujdesur për gjithçka, në mënyrë që atyre të mos u mungojë asgjë, por gjithsesi, këto krijesa të pafajshme, që në ditët e para të jetës, vuajnë padrejtësisht pasojat e krimeve makabër që kanë kryer nënat e tyre",- pohon për "Shekullin" Marinela Sota, drejtoreshë e IEDP "Ali Demi" në Tiranë. Çerdhja e rrallë Çerdhja e Burgut të Grave, është objekti i parë që ndesh sapo kalon portën e hekurt, e merr paksa në të djathtë. Ndonëse ky institucion riedukimi është i mbipopulluar, me objekte tejet të amortizuara e problematik, përsa i përket kushteve të sigurisë, mjediset e çerdhes, vendit ku krijesat e pafajshme kalojnë vitet e para të jetës së tyre, është më i miri dhe më funksionali. Këto kohë, shton Ingrit Balluku, psikologe e burgut, në këtë çerdhe janë vetëm dy foshnje, përkatësisht Enisa Topuzi, 18-muajshe dhe Katrina Xhafa, që ende nuk ka mbushur vitin, por kohë më parë ne kemi patur në këtë çerdhe dhe katër fëmijë. Secila nga foshnjat ka një dhomë më vete, të mobiluar në mënyrën më të mirë, me piktura e panorama të varura nëpër mure, dhjetëra lojëra e pajisje të tjera, me krevate, etj. Por në të shumtën e kohës, përjashto thuajse kohën e gjumit, të dy foshnjat, nën përkujdesjen e edukatoreve, rrinë e lozin bashkë. "Ata janë fëmijë të mrekullueshëm, e ne, si punonjëse që jemi, por më shumë si nëna, përkujdesemi që të mos e ndjejnë përkujdesjen e vazhdueshme të nënave të tyre biologjike",- thotë edukatorja Mirsie Zaimi. Ingriti shton se përveç personelit tjetër, në këtë çerdhe janë në shërbim edukatore me tre turne, ndërsa gjatë 24 orëve, nënat takohen dy herë me krijesat e tyre. "Deri vonë, nënat qëndronin me fëmijët e tyre dy herë në ditë, njëherë paradite e njëherë pasdite, me një kohëzgjatje nga një orë, por tani dyfishimi i kohës ka krijuar mundësi, që sadopak fëmijët të ndjejnë më shumë përkujdesjen e nënave të tyre biologjike",- shton Ingriti. Pendesa e nënave vrasëse "Jemi penduar për krimet që kemi bërë, por ajo nuk zhbëhet më, por na vjen keq që fëmijët tanë po vuajnë pasojat e mëkateve tona; nuk lindën e nuk po rriten si gjithë fëmijët e tjerë, por mes mureve e telave me gjemba. Shpirti na e di, kur për të parë fëmijët tanë, shkojmë me orar e të shoqëruara nga gardianet",- pohojnë për gazetën Zoja dhe Manushaqja, nënat e dy foshnjave të pafajshme. Ndërsa rrethanat e motivet e krimit, që kanë dy të burgosurat, nuk kanë dëshirë t'i kujtojnë. Por dhe nuk mund t'i fshijnë nga kujtesa, jo vetëm për faktin se pasojat e tyre po i vuajnë me privime të gjata lirie, por dhe se krijesat e tyre lindën e po rriten në qeli. Për Manushaqe Topuzin nga Dibra, sot 32-vjeç, drama e dyfishtë, me pikënisje krimin makabër, sipas pohimeve të shkëputura të saj dhe rrëfimeve të drejtueseve të institucionit, e ka pikënisjen në fund korrikun e vitit 2004. Konfliktet e vazhdueshme të një martese problematike e të dhunshme mes bashkëshortëve, mesnatën e 29 korrikut 2004, arrijnë pikun. Në një moment, Manushaqja (atëherë 30-vjeçe), merr sëpatën e druve dhe e godet për vdekje bashkëshortin e saj, Minain. Në mëngjes përfundon në pranga, e ditët në vazhdim dënohet nga drejtësia me 10 vjet heqje lirie. Por, në momentet e krimit ka qenë shtatzënë, e në kushtet e burgimit lind dhe vajza, që e quajtën Enisa. Pothuaj të njëjtën rrjedhë ka dhe krimi makabër e pikënisja e dramës së dyfishtë për Zojë (Vitore) Xhafën nga Mati. Për probleme xhelozie, sipas akuzës, ajo, së bashku me burrin e saj, Xhevitin, në orën 21:15 të 28 majit 2005, vrasin R. Kadriun, nga fshati Gurrë i Burrelit. Edhe ikja nga vendlindja, nuk i shpëton bashkëshortët nga prangat e policisë, e cila arrin t'i ndaloj në Kamëz, tek disa të afërmit e tyre. Por, për shkak të shtatzënisë në momentin e ndalimit, tregojnë për gazetën drejtueset e institucionit, Zoja "privilegjohet" dhe sillet në Burgun 325 në pritje të gjykimit, për të qenë njëkohësisht pranë foshnjës së saj, që ende nuk i ka mbushur 12 muajt. Fati i foshnjave të "burgosura" Ashtu si shumë të tjera foshnje të "burgosura" para tyre, edhe Enisa e Katrina do të jenë banore të përkohshme të kësaj çerdheje të veçantë, pasi do të largohen. "Me ligj, fëmijët e nënave që vazhdojnë vuajtjen e dënimit në burg, ne jemi të detyruara t'i mbajmë e përkujdesemi deri në moshën 3-vjeçare, më pas ata largohen që këtej",- tregon për gazetën Marinela, drejtoresha e burgut. Sipas statistikave që afrojnë drejtueset e IEDP "Ali Demi", përgjithësisht fëmijët që mbushin 3-vjeç në përkujdesje të këtij institucioni, shkojnë nëpër shtëpitë e fëmijëve të vendit, nën përkujdesjen e shtetit. Ndërsa në raste të veçanta, gjithmonë në përputhje me ligjin e vendimet përkatëse gjyqësore, përkujdesja e këtyre fëmijëve, u lihet familjarëve të personit që vazhdon vuajtjen e dënimit. Vetëm në një rast, tregon drejtoresha e burgut, Marinela, po në përputhje të ligjit, fëmija e të dënuarës (M. Shota, dënuar me 8-vjet burg) është marrë nga të afërmit e saj, pak muaj para se të mbushej koha 3-vjet, në çerdhen e burgut. Drama e krijesave të pafajshme Ku do të jenë Enisa e Katrina nesër, kur të mbushin 3-vjeç!? Sot, këtë askush nuk e di; as nënat e tyre që janë në qeli, as dhe drejtueset e institucionit. "Me gjithë përkujdesjen tonë, të shtetit, të OJQ-ve, faktorëve të tjerë të komunitetit për lehtësimin e dramave të këtyre krijesave të pafajshme, sipas statistikave që ne kemi, në të shumtën e rasteve, edhe jeta më pas e fëmijëve që kanë ikur nga çerdhja jonë, është pasuar e vazhdon të jetë me probleme, që do të kenë ndikim që në pikënisje të jetës së tyre",- shton psikologia Balluku. Ndoshta, sipas saj, pas një viti, Enisa mund të shkojë tek Fshatit "SOS!", ku janë dhe tre motra e vëllezër biologjikë të saj. "Në kohën që Manushaqja erdhi të kryejë dënimin në institucionin tonë, ku u bë dhe me fëmijë, e ëma e saj solli këtu tre fëmijët më të rritur, duke na thënë se nuk ka kush t'i mbajë. Biseduam me drejtuesit e Fshatit "SOS!" dhe i sistemuam atje",- shton psikologia Balluku. Kohë më parë, shton më tej ajo, pikërisht në korrik 2006, Marsela Kukaj, nëna e së cilës vuan dënimin këtu për veprën penale të vrasjes, sapo mbushi 3-vjeç, u dërgua në "Fshatin e Paqes" në Shkodër, ku ka dhe dy motrat e saj më të mëdha.

Shekulli

Lajmi nga www.shqip.dk

Nëse pini duhan,më pak shanse për shtatzani

2007-01-09T06:05:00.000-08:00

Lajme Shqip: Shendetsia

Shkodrani Shkruan "Sipas studimit të Insitutit Kombëtar të Shëndetit Projekti pilot konsistoi në studimin e 1200 grave nga 18-44 vjeç dhe të partnerëve të tyre. Konkluzioni i dalë nga ky institut është që: gjysma e femrave duhanpirëse donin dyfishin e kohës për të mbetur shtatzënë, në krahasim me ato që nuk pinin...

Mjekët nënvizojnë, që të paktën duhanpirësit duhet të mënjanojnë duhanin gjatë kohës që duan të bëjnë një fëmijë. Ky studim do të vazhdojë edhe gjatë vitit që vjen, kur gjatë kësaj kohe do të studiohen edhe rreth 20.000 persona Duhanpirëset kërkojnë dyfishin e kohës së grave, që nuk konsumojnë duhan, për të mbetur shtatzënë, sipas një studimi të fundit të Institutit Kombëtar të Shëndetit dhe Kërkimit Mjekësor në Francë (Inserm). “Rezultatet e para të studimit konfirmojnë efektin negativ të duhanit mbi fertilitetin, efekt ky që është pohuar edhe nga ekipe të tjera evropiane", thuhet në një komunikatë të Inserm. Projekti pilot konsistoi në studimin e 1200 grave nga 18-44 vjeç dhe të partnerëve të tyre. Konkluzioni i dalë nga ky institut është që: gjysma e femrave duhanpirëse donin dyfishin e kohës për të mbetur shtatzënë, në krahasim me ato që nuk pinin. Por këto efekte negative të duhanit nuk ndikojnë vetëm tek gratë, por edhe tek burrat. Mjekët nënvizojnë, që të paktën duhanpirësit duhet të mënjanojnë duhanin gjatë kohës që duan të bëjnë një fëmijë. Ky studim do të vazhdojë edhe gjatë vitit që vjen, kur gjatë kësaj kohe do të studiohen edhe rreth 20.000 persona. Sëmundjet Studimi është kryer në Francë dhe sipas të dhënave mësohet se numërohen rreth 14 milionë konsumatorë të duhanit. Më shumë se 12 milionë persona janë duhanpirës të rregullt. Në këtë grup bëjnë pjesë të gjithë ata të cilët pinë më shumë se një cigare në ditë, ku 33 për qind e zënë meshkujt, ndërsa 26 për qind janë femra. Sipas anketës, nga 17-vjeçarët e pyetur, katër në dhjetë deklarojnë se pinë duhan disa herë në muaj. 19-vjeçarët e pyetur deklarojnë se një në dy vetë pi rregullisht duhan çdo ditë. Po sipas kësaj ankete të kryer nga instituti francez mësohet se, përqindja e duhanpirësve është në rritje kryesisht tek 35-vjeçarët. Pirja e duhanit njihet se ka sjellë vdekshmëri të lartë në botë, ndërsa në Francë mësohet se kjo drogë ka vrarë më shumë se 60 mijë vetë në vit. Nikotina është vrasëse për shëndetin, ku ata që pinë më shumë se 20 cigare në ditë janë më të rrezikuarit. Nikotina është përgjegjëse edhe për anomalitë të tipit, si infarkt i miokardit, pasi dëmton rëndë zemrën. Kanceri në mushkëri është një sëmundje fatale dhe fajin për këtë duket se e ka duhani. Shkencëtarët thonë se sikur duhani të eliminohej, rastet e kancerit në mushkëri do të pakësoheshin deri 90 për qind. Ata thonë se kanceri i mushkërive tani ka filluar të bëhet më i shpeshtë edhe mes personave që nuk pinë duhan. Gjatë 10 vjetëve të fundit, shtimi i rasteve të tilla ka ardhur duke u rritur dhe arsyeja shpjegohet se këta persona, megjithëse nuk pinë duhan, punojnë, ose jetojnë në mjedise ku pihet duhan. Lënia e duhanit Sipas anketës, mbi 60 për qind e duhanpirësve kanë bërë të paktën një herë një tentativë për ta lënë duhanin. Ndërkohë që gjatë tre viteve të fundit, vetëm dhjetë për qind e atyre, që kanë bërë një tentativë për ta lënë duhanin, ia kanë arritur. Ekspertët thonë se në se duhani eliminohet, pra nëse lihet duhani, atëherë edhe ata që nuk pinë duhan nuk do të ishin më në rrezik prej tij. Sipas tyre, me një hap të tillë, rastet e kancerit të mushkërive mund të pakësoheshin deri në 90 për qind. Analizë e re për të zbuluar sasinë e nikotinës Nëse fëmijët, apo adoleshentët pinë duhan jashtë vullnetit të prindërve, tani mund të zbulohet fare lehtë. Një analizë e re zbulon saktësisht nëse një person ka pirë apo jo duhan. Pajisja për kryerjen e kësaj analize quhet TobacAlert, që shitet në farmaci pa recetë dhe me saktësi tregon nivelin e kotinës në urinë. Kotina është një nën substancë e nikotinës. Gjatë një punë kërkimore në këtë klinikë në Rino të Nevadës, gratë shtatzëna kryejnë rregullisht këtë lloj analize për të diktuar nëse janë ekspozuar ndaj tymit të duhanit. Analiza i ndihmon nënat për të dalluar nivelin e nikotinës në urinë dhe gjithashtu i bën ato më të hapura në bisedat ndaj të këqijave që sjell duhani. Gjithashtu, këto lloj analizash tani përdoren edhe në rastet e divorceve, kur njëri prind kërkon kujdestarinë e fëmijës, duke u ankuar se fëmija është në rrezik shëndeti, pasi prindi tjetër pi duhan. TobacAlert ka filluar të përdoret në botë edhe nga ndërmarrje private ndaj punonjësve të tyre. Puna Statistikat tregojnë se një person që pi duhan, mungon nga puna për arsye shëndetësore mesatarisht 18 ditë në vit, ndërsa një agjenci sigurimesh shëndetësore mund të kursejë rreth 3 mijë e 500 dollarë në vit nëse një person i siguruar nuk pi duhan. Mohimi Ka shumë njerëz, që nuk e pranojnë se pinë duhan, madje edhe kur shkojnë tek mjeku ngulin këmbë, duke thënë se nuk pinë duhan. Një sjellje e tillë është e rrezikshme, veçanërisht në rastet e grave shtatzëna. Fëmijët Ekspertët thonë se fëmijët janë më të pambrojturit ndaj tymit të duhanit. Mbajtja e fëmijëve në mjedise ku pihet duhan mund të bëhet shkak për sëmundje të tjera më të rrezikshme. Tymi i lëshuar nga të tjerët, tek fëmijët bëhet shkak për infeksione të ndryshme.

Koha Jone

Lajmi nga www.shqip.dk

Zbatim i Marrëveshjes kornizë të Ohrit

2007-01-09T06:04:00.000-08:00

Lajme Shqip: Maqedoni

Vazhdon debati për amandamentet mbi propozim-buxhetin për vitin 2007

2007-01-09T06:03:00.000-08:00

Lajme Shqip: Maqedoni

Shkodrani Shkruan "Kuvendi i Maqedonisë sot do ta vazhdojë debatin për amandamentet për propozim-buxhetin e vitit 2007...

Shkup /29/12/ 08:40

Në rend dite të seancës së 16-të të seancës kuvendore janë edhe propozimet për miratimin e ligjeve për miratimin e buxhetit të Republikës së Maqedonisë për vitin 2007, për ndryshimin dhe plotësimin e Ligjit për tatim personal të të ardhurave, për Ligjin për tatim të fitimit dhe për kontroll të brendshëm financiar publik, të gjitha me propozimligj. Deputetët do të debatojnë edhe për propozimet për miratimin e ligjeve për ndryshim dhe plotësim të Ligjit për revizion të brendshëm në sektorin publik, të Ligjit për kulturë, të Ligjit për duhan dhe prodhime të duhanit dhe të Ligjit për mbrojtje shëndetësore, të gjitha me propozimligje.

Lajmi nga www.shkupi.dk

2007-ta vit i rezultateve konkrete në planin ekonomik

2007-01-09T06:02:00.001-08:00

Lajme Shqip: Maqedoni

Shkodrani Shkruan "Kryetari Branko Cërvenkovski në urimin e Vitit të Ri drejtuar qytetarëve të Maqedonisë shprehu pritjen se viti 2007 do të jetë vit i rezultateve konkrete në planin ekonomik...

Shkup

"Pres që viti 2007 të jetë vit i paqes dhe stabilitetit, i mirëkuptimit dhe respektimit më të mirë të ndërsjellë dhe vit i rezultateve konkrete në zgjidhjen e problemeve më të mëdha të qytetarëve - varfërinë dhe papunësinë e madhe", theksoi kryetari i Maqeedonisë. Duke u përqëndruar në prioritetet në planin e jashtëm, Cërvenkovski theksoi se në vitin 2007 nevojitet "unitet maksimal" për realizimin e qëllimit për fitimin e datës së negociatave me BE-në dhe ftesës për anëtarësim në NATO, në vitin 2008. Duke folur për rezultatet e viti që po e lëmë pas, Cërvenkovski theksoi se shumë hapa të domosdoshëm nuk janë realizuar. "Prapa nesh është viti në të cilin u arritën shumë suksese, por edhe viti në të cilin shumë pritje dhe hapa të domosdoshëm nuk u realizuan. Pikërisht për këtë shkak, viti 2007 është tepër i rëndësishëm për zhvillimin e Republikës së Maqedonsië", thuhet në urimin e Vitit të Ri nga kryetari Cërvenkovski deri te qytetarët e Maqedonisë. /Makfaks/

Lajmi nga www.shqip.dk

Ahmeti braktis takimin

2007-01-09T05:58:00.000-08:00

Lajme Shqip: Maqedoni

Ahmeti braktis takimin

Lajme nga Maqedoniashkodrani Shkruan "Përfundon takimi i liderëve vetëm në praninë e Gruevskit dhe Xhaferit Në takimin e liderëve që u mbajt dje me nismën e kryeministrit Nikolla Gruevski, ishte i pranishëm vetëm lideri i Partisë Demokratike Shqiptare, Arbën Xhaferi...

Liderët e partive politike LSDM, Radmilla Shekerinska dhe të BDI-s Ali Ahmeti nuk u paraqitën në Klubin e deputetëve ku duhej të mbahej takimi i paralajmëruar. Kryeministri Gruevski pas takimit deklaroi se mosparaqitja e dy liderëve të LSDM-së dhe të BDI-së ndikon keq në proceset e Maqedonisë. "Kjo është e keqe për proceset në Maqedoni. Kjo paraqet një synim që të krijohet ndonjë perceptim se ekziston ndonjë krizë, se politikanët nuk duan të bisedojnë, se diçka e keqe po ndodh... Megjithatë në realitet punët nuk janë të këtilla, në parlament vijojnë bisedimet mes grupeve të deputetëve rreth të gjitha çështjeve veçanërisht për rregulloren", tha Gruevski. Ai theksoi se "sot u pa se kush dëshiron të bisedojë dhe të ketë dialog dhe kush nuk dëshiron që të ketë dialog. Sipas tij mosardhja e liderëve në takimin e caktuar është pjesë e përgjegjësisë së tyre politike dhe se po qe se vazhdon kështu situata, pushteti do të vazhdojë me "forca të veta t'i përfundojë punët". I pyetur nëse ekzistojnë mospajtime në koalicionin VMRO-DPMNE dhe PDSH, kryeministri Gruevski u përgjigj se situata të këtilla nuk ekzistojnë. Kryetari i PDSH-së Arbën Xhaferi pas takimit me kryeministrin Gruevski tha se mosardhja në takim e LSDM-së tregoi se nuk është parti shtetformuese. Në pyetjen nëse ekzistojnë mospajtime në koalicionin VMRO-DPMNE dhe PDSH, lidhur me arrestimin e Agim Krasniqit, Xhaferi u përgjigj se mospajtimet ekzistojnë në të gjitha koalicionet, por varet nëse ato dalin jashtë institucioneve të sistemit apo mbesin brenda tyre. "Ne tentojmë që brenda institucioneve të sistemit t'i zgjedhim antagonizmat e këtilla. Me Agim Krasniqin imponohet një moment tjetër, në raportet në shtet e jo vetëm në koalicion. Ky rast është i vjetër rreth 5-6 vjet dhe pyetja se pse pikërisht tani hapet është se bëhet fjalë që të harrohet fenomeni me aferën me armë. Siç dihet Krasniqi do të jetë më atraktiv sesa afera", theksoi Xhaferi. Ai theksoi se situata me Agim Krasniqin nuk është problem politik, edhe pse dikush tenton ta shfrytëzojë këtë problem për interesa politike.

Koha Jone

Lajmi nga www.shqip.dk

Kapen mbi 400 kilogramë kokainë kontrabandë

2007-01-09T05:56:00.002-08:00

Lajme shqip: Maqedonia

Lajme nga Maqedoniashkodrani Shkruan "Autoritetet në Maqedoni thonë se policia ka gjetur mbi 400 kilogramë kokainë fshehur në një kamion pranë kufirit me Kosovën...

Droga me vlerë 52 milionë dollarë ishte sasia më e madhe e drogës së paligjshme e konfiskuar ndonjëherë nga autoritetet maqedonase. Policia thotë se sasia kontrabandë u gjet në 60 kuti plastike në një kamion me targa maqedonase rreth 20 kilometra në veri të Shkupit, në qytetin kufitar të Bllacës. Një zëdhënës i policisë tha se bëhej fjalë për kokainë të cilësisë së lartë nga Venezuela. Ai tha se kamioni e mori ngarkesën në qytetin malazez të Barit dhe më pas hyri në Maqedoni nga Kosova. Greqia ishte destinacioni i tij i fundit.

Lajmi nga www.shqip.dk

Liberalizim vizash per shqiptaret?

2007-01-09T05:56:00.001-08:00

Lajme Shqip: Politik

Ministrja e Integrimit shprehet se brenda një viti BE do të liberalizojë regjimin e vizave për qytetarët shqiptarë

Troshani: Për një vit liberalizohen vizat

“BE është në favor të një liberalizimi të mëvonshëm të vizave për qytetarët shqiptarë”
Mare mga Shekulli Online, 29.09.2005

Lajmi nga www.shqip.dk

Perleshje ne Struge

2007-01-09T05:54:00.002-08:00

Lajme Shqip: Maqedoni

Nxënësit shqiptarë dhe ata maqedonas në gjimnazin e Strugës “Niko Nestor” janë përleshur ashpër dje në orët e para të mëngjesit. Ata kanë përdorur dhunë ndaj njëri tjetrit.

Lajmi nga www.shqip.dk

Dell Ponte

2007-01-09T05:54:00.001-08:00

Lajme Shqip: Maqedoni

Maqedonia nuk i deshi katër rastet prapa për të cilat është ngritur aktakuzë në Hagë - deklaroi kryeprokurorja e Tribunalit të Hagës, Karlla dell Ponte në Uashington.

Lajmi nga www.shqip.dk

Maqedonia ne BE

2007-01-09T05:53:00.002-08:00

Lajme Shqip: Maqedoni

Komisioni Evropian (KE) me 9 nentor do ta jape mendimin e vet per kerkesen e Maqedonise per anetaresim te plote ne Bashkimin Europian, por nderkohe, vendi doemos duhet te perparoje ne reformat, deklaroi komisioneri europian per zgjerimin Oli Ren.

Dasma ne Tetove

2007-01-09T05:53:00.001-08:00

Lajme Shqip: Maqedoni

Dasma me e lire ne Tetove kushton 5 mije euro kurse ajo me e shtrejta kap shifren 40 mije euro, kurse mesatarja eshte 15 mije euro. Sipas vleresimeve te lira, tetovaret gjate sezonit verore shpenzojne mbi 10 milion euro per solemnitetet e tyre familjare qe eshte nje shifer marramendese.

Lajmi nga www.shqip.dk